.jpg)
Inicio Carballo ao día Hemeroteca
Venres 17 de novembro do 2006
A Delegación Provincial da Consellería de Traballo ven de comunicar a concesión dunha subvención para a contratación de dous oficiais para a Brigada de Medio Ambiente. A duración dos contratos será de 9 meses e, para poder ser seleccionados, os aspirantes deben ser desempregados e estar inscritos na Oficina de Emprego.
Venres 17 de novembro do 2006
Este sábado, 18 de novembro, a coordenación do Proxecto Ríos realizará unha saída formativa na que mostrará aos participantes a metodoloxía do proxecto cun percorrido, pola mañá, no río Bardoso. Na saída, logo de facer un pequeno esquema do treito elexido, cumplimentaranse as fichas de inspección, e realizarase un estudo do ecosistema acuático tanto dende un punto de vista bioloxico como físico-químico. Os datos recollidos servirán para realizar un informe anual do estado de saúde dos ríos galegos. As persoas que queiran sumarse a esta iniciativa de ADEGA, apoiada polo Concello de Carballo, aínda poden facelo. A saída seá dende o Concello ás 10:30 horas, e dende alí irase ao rio Bardoso, na parroqua de Artes, no Lugar do Forno, na estrada Carballo-Ordes.
Venres 17 de novembro do 2006
Os alcaldes dos Concellos de Carballo, Coristanco, Laracha, Malpica e Ponteceso mantiveron este venres unha xuntanza en Buño, co obxectivo de presentar os pasos a dar para o deseño dunha estratexia que plasme a candidatura conxunta destes cinco concellos do Plan de Dinamización Comarcal, de cara á súa integración no proxecto de sustentabilidade da Consellería de Medio Ambiente. Os rexedores locais presentaron as liñas básicas da iniciativa, de cara a formalizar a petición de Vilas Sustentables desde un ámbito comarcalizador.
Xoves 16 de novembro do 2006
A partir deste venres, 17 de novembro, poderán retirarse as entradas para a ópera Bastián e Bastiana, prevista para o día 26 e incluida na programación do Novembro con Música do Concello de Carballo. Debido á expectación xerada e ao interese detectado no público, a Concellaría de Cultura porá a disposición dos interesados as entradas no Museo de Bergantiños, podendo retirarse 4 entradas por persoa como máximo. As entradas son gratuitas.
Xoves 16 de novembro do 2006
O alcalde de Carballo, Evencio Ferrero, participa este venres, 17 de novembro, dunha nova xuntanza en Buño, xunto cos rexedores de Malpica, Laracha, Coristanco e Ponteceso, para comezar a definir o proxecto de sostibilidade que promove a Consellería de Medio Ambiente. Esta reunión sucede a outra mantida, no pasado mes de agosto, co director xeral de Desenvolvemento Sostible da Xunta de Galicia, Emilio Manuel Fernández, nas que se acordou a incorporación dos concellos de Coristanco e Ponteceso, ademáis doutra das mesmas características cos alcaldes de Malpica e Laracha. A xuntanza de mañán está prevista para as 10,00 horas.
Xoves 16 de novembro do 2006
O alcalde de Carballo, Evencio Ferrero, e o delegado provincial da Consellería de Educación, Pedro Armas, mantiveron esta mañán unha xuntanza na que o rexedor local plantexou a necesidade de que a Escola Oficial de Idiomas de Carballo conte cun código propio, é dicir, que non sexa dependente da Escola de Idiomas de A Coruña. Foi un dos asuntos que se abordaron na reunión, na que tamén se plantexou a posibilidade de que a Escola de Idiomas de Carballo conte cun edificio propio, asuntos que serán valorados e sopesados en próximas datas.
Mércores 15 de novembro do 2006
O Pazo da Cultura acolle este mércores, 15 de novembro, a clausura do Curso de Atención á Infancia, organizado pola Concellería de Muller e o Centro de Información á Muller, en colaboración co Servicio Galego de Igualdade e con axuda do Fondo Social Europeo. O acto esa previsto para as 20,00 horas. O curso constou de 200 horas e participaron do mesmo 20 mulleres.
Mércores 15 de novembro do 2006
O alcalde de Carballo, Evencio Ferrero, e o delegado provincial de Educación, Pedro Armas, celebran este xoves en A Coruña unha xuntanza para comentar diferentes aspectos relacionados co sistema educativo de Carballo. A reunión está prevista para as 13,00 horas e na mesma abordaranse, entre outros asuntos, temas relacionados coa Escola Oficial de Idiomas de Carballo.
Mércores 15 de novembro do 2006
O Novembro con Música do Concello de Carballo achegará esta fin de semana catro novos concertos ao Pazo da Cultura, dirixidos a diferentes públicos de todas as idades. A Big Band do Conservatorio Profesional de Música de Carballo será a encargada de abrir os concertos o venres 17, a partir das 21,00 horas.
Martes 14 de novembro do 2006
O Servizo de Normalización Lingüística do Concello de Carballo organiza un obradoiro de lingua e sociedade, chamado Máis Alá!, dirixido a rapazas e rapaces dos institutos para traballar nel, a partir do debate, a participación e a reflexión, aspectos sociolingüísticos, a diversidade lingüística e cultural como riqueza social, a creatividade, a identidade, etc. Os Obradoiros Máis Alá! son unha actividade extraescolar sobre unha materia moi seria que se pode traballar de xeito divertido, atractivo e participativo: a situación social da lingua galega.
Martes 14 de novembro do 2006
O Concello de Carballo acolleu o pasado sábado a presentación da segunda edición do programa Aprender para educar, destinado a pais e nais, que se inaugurará o vindeiro venres, 17 de novembro, no Pazo da Cultura. A presentación contou coa presenza do alcalde de Carballo, Evencio Ferrero, a concelleira de Ensino, Cultura e Normalización Lingüística, Belén Lendoiro, e a vicepresidenta da Asociación Socio-Pedagóxica Galega, María Xosé Bravo. O encargado de asinar o acto inaugural do programa será o escritor Federico Martín Nebras, especialista en literatura infantil e recoñecido contador de historias no mundo hispanoamericano.
Martes 14 de novembro do 2006
A delegada provincial de Traballo, María Debén, e o alcalde de Carballo, Evencio Ferrero, asinnaron este martes na delegración provincial da Consellería de Traballo as bases para a selección de alumnos e persoal do obradoiro de emprego Oficios>25, un programa de emprego e formación subvencionado pola Consellería de Traballo e promovido polo Concello de Carballo. As especialidades a impartir serán as de albanel, pintor e carpinteiro e as actuacións a realizar serán as de continuar as obras de construcción do futuro Centro de Formación Municipal.