PROGRAMA 2023
A maioría das accións programadas requirirán de preinscrición, debido a que van a ser grupos moi reducidos debido á sensibilidade da contorna e o uso sustentable que queremos promover na mesma. A grande maioría das accións realizaranse todos os mércores e sábados, ademais de algún domingo puntual.
As persoas participantes deberán achegarse polos seus propios medios ao punto onde se desenvolvan as actividades.
XULLO
- DÍA 5: EXPLORANDO AS POZAS DA MAREA
- DÍA 8: FAUNA E FLORA DAS CONTORNAS DUNARES
- DO 10 AO 14 DE XULLO: OBRADOIROS DE RESTAURACIÓN DAS ESCULTURAS DO LITORAL.
- DÍA 12: XORNADA DE ELIMINACIÓN DE INVASORAS
- DÍAS 12, 13 e 14: OBRADOIRO DE CREACIÓN DA ESCULTURA EN MADEIRA DE HOMENAXE AO XESTAL, HABERÁ INAUGUARACIÓN HOMENAXE.
- DÍAS 15 E 16: OBRADOIRO DE PEGADAS E OS INDICIOS NOS CAMIÑOS
- DÍA 22: RUTA CULTURAL POLA COSTA DE CARBALLO
- DÍA 26: A NOITE DAS AVELAIÑAS
- DÍA 29: RUTA ANDANDO A RAZO
AGOSTO
- DÍA 5: ROTEIRO NOCTURNO POLA EIRA DAS MEIGAS
- DÍA 12: AS ORIXES E A XEOLOXÍA DA COSTA DE CARBALLO
- DÍA 16: INICIACIÓN Á ORNITOLOXÍA
- DÍA 19: FESTA DA PRAIA E ACTUACIÓN DE CIRCUS MAGNÍFICOS
- DÍA 19: NOITE DE ASTRONOMÍ
- DÍA 23: SIMULACRO DE RESCATE DE CETÁCEOS
- DÍA 26: LIMPEZA COLECTIVA DAS PRAIAS DE RAZO E BALDAIO, PLÁSTICOS E MICROPLÁSTICOS
ESCULTURA DO XESTAL EN MADEIRA
Achégate ao campo da praia de Razo para ver o espectáculo do escultor “Josi”, quen realizará unha escultura feita con motoserra nun tronco de piñeiro de 2 metros de alto por 0.80 de diámetro.
Farase unha inauguración homenaxe e logo a escultura será trasladada a onde o Concello estime.
OBRADOIRO DE RESTAURACIÓN DAS ESCULTURAS DO LITORAL
O público en xeral poderá achegarse a ver como se restauran o arroaz de Baldaio, a Píllara de Razo e o Enebria de Santa Irene, que será realizada polo autor das esculturas.
RUTA A RAZO POLA SENDA PEONIL
Cremos que a nova senda peonil a Razo debe ser unha ruta que hai que promover para crear unha unión maior entre a cidade e a praia de Razo, co obxectivo de que se converta nunha ruta habitual. Para a realización desta actividade contaremos coa entidade deportiva Xiria, que poñerá a coordinación da acción, que organizará actividades lúdicas para cando as persoas participantes vaian chegando a Razo.
Tamén haberá unha merenda para repoñer forzas e ademais dispoñeranse medios de retorno para as persoas que así o desexen.