DEPORTE

O Padroado Deportivo Municipal convoca as axudas aos desprazamentos

Luns 6 de novembro do 2006

As subvencións destinaranse a sufragar parcialmente os gastos ocasionados polo desprazamento para a participación en competicións contempladas nos calendarios oficiais das federacións deportivas ou produto de acordos subscritos entre federacións autonómicas. A retirada e presentación de solicitudes realizarase nas oficinas do Padroado Deportivo Municipal, na rúa Coruña nº1, de luns a venres en horario de 10,00 horas a 14,00 horas e de 17,00 horas a 19,00 horas, excepto os martes pola tarde, que pechan as oficinas. A cantidade a repartir entre as diferentes entidades e deportistas individuais será de 24.000 euros e o prazo de presentación de solicitudes será o comprendido entre o 6 e 20 de novembro de 2006.