Visita guiada polos murais do Rexenera

Domingo 3 de xuño do 2018 Ás 17:00 horas - Forum Carballo Cultura

A 4ª edición do Rexenera Fest non podía ter mellor remate! O domingo pola tarde, todas as persoas que o desexen poderán participar nun roteiro guiado polos diferentes murais que protagonizaron o festival deste ano así como os dos tres anteriores.

Técnicos municipais e algúns dos propios autores acompañarán os asistentes nunha visita na que se dará a coñecer o contido das obras expostas e algunhas curiosidades sobre os murais que enchen de cor e creatividade moitas das rúas do noso municipio. Toma boa nota da cita porque ademais a asistencia é totalmente gratuíta. Vémonos na rúa!