SÁBADO 30 DE XUÑO E DOMINGO 1 DE XULLO

A Mostra de Habaneras e a tradicional Festa do Bosque poñen o punto e final ás festas de San Xoán 2012

Xoves 28 de xuño do 2012

Pero antes da Festa do Bosque, o auditorio do Pazo da Cultura acolle o sábado 30 de xuño a partires das 21.00 horas a XVI Mostra de Habaneras, outra das citas habituais para pechar o San Xoán. Organizada pola Coral Polifónica de Bergantiños, o programa inclúe, ademais do repertorio dos anfitrións, as propostas musicais da Coral Polifónica Coruñesa Canticorum e da Coral Polifónica de Carral. Este ano a mostra volve a contar coa presenza do Coro Infantil de Voces Brancas. A Coral Polifónica de Bergantiños nace en Carballo no ano 1969 ao amparo do antigo 'teleclub', baixo a dirección do cura de Carballo Don Jaime Rodríguez Valcárcel. Ao pouco tempo toma a dirección Don Manuel Rodríguez Rodríguez, con quen a coral crece en formación musical e tamén en número de compoñentes, iniciando unha etapa de auténtica expansión. Ao longo da súa historia actou en cada vila ou cidade da xeografía galega e levou a cabo gravacións para a Radio Galega e para varios programas da Televisión de Galicia. No ano 2007 créase o coro de voces brancas, ilusionante iniciativa xurdida dunha colaboración coa parroquia de San Xoán Bautista. Colabora coa celebración desta cita a Comisión de Festas de San Xoán.