SÁBADO 12 E DOMINGO 13 DE MAIO

O pianista carballés Iago Franqueira participa na III Mostra Musical Eixo Atlántico 2012 en Vilagarcía de Arousa

Xoves 10 de maio do 2012

Respecto da traxectoria de Iago Franqueira (1995), comeza cando aos 8 anos comeza a estudar a especialidade de clarinete co profesor José Vicente Pérez Planells. Forma parte da Banda Municipal de Música de Carballo durante máis de sete anos, e á idade de dez anos iníciase na especialidade de piano da man do mestre Manolo Bello, continuando máis adiante coa profesora María Paz Hosanna Fernández Negreira. Na actualidade recibe asiduamente clases da pianista e pedagoga Mercedes Goicoa Fernández. En 2010 participou como alumno activo no XII Curso de Técnica e Interpretación Pianística 'Ciudad de Toledo', onde estuda interpretación con Alfonso Peciña, Sara Blázquez, Marc Antoni Mas, Sophi Hase, Elena Orobio e Claudio Martínez Mehner. Asiste no ano 2011 á Master Class co destacado pianista José Núñez Ares. Hai uns días ofreceu un recital de piano no Pazo da Cultura carballés para celebrar a súa participación na III Mostra Musical Eixo Atlántico, interpretando o 1º Movemento da Sonata Op.3 nº 3 de Beethoven, o Estudo Op. 10 nº 4 de Chopin, a Polonesa Op. 26 nº1, tamén de Chopin, e "La cathédrale engloutie" (Preludio, X) de Debussy.