PROGRAMACIÓN DEPORTIVA

Continúa aberto o prazo de inscrición para participar nos Campamentos Deportivos e Campus de Fútbol da Deputación da Coruña

Venres 1 de xuño do 2007

O Campus de Fútbol celebrarase nas instalacións deportivas da Torre, an A Coruña, sendo a estancia dos participantes na Residencia de Acea de Ama e no IES Curceiro Baleares (Culleredo). Os Campamentos Deportivos inclúen a práctica dos deportes de golf, vela de cruceiro, tenis e voleipraia e a estancia dos participantes será no Colexio Calvo Sotelo de A Coruña. En ambos casos, as idades dos rapaces participantes estarán comprendidas entre os 9 e 13 anos, ámbolos dous inclusive. É dicir, no caso dos Campamentos Deportivos os que naceron entre o 9 de xullo de 1993 e o 8 de xullo de 1998 e, no caso do Campus de Fútbol, os que naceron entre o 16 de xullo de 1993 e o 15 de xullo de 1998. É imprescindible que sexan veciños do Concello de Carballo e os participantes deberán aboar, como cota de participación, 70 euros para o Campus de Fútbol e 80 euros para os Campamentos Deportivos. No caso de que o número de solicitudes supere ao número de prazas concedidas pola Deputación da Coruña, celebrarase un sorteo público ante o secretario do Concello. No caso dos Campamentos Deportivos terá lugar o 26 de xuño, ás 13,30 horas na Casa do Concello e, no caso do Campus de Fútbol, o 2 de xullo de 2007 ás 13,30 horas na Casa do Concello. As instancias solicitando formar parte nestas dúas actividades dirixiranse ao Sr. Alcalde-Presidente do Concello de Carballo, presentándose no Rexistro Xeral.