Contacontos "Teatro na Mochila" con Anxo Moure

Xoves 21 de xullo do 2016 Xardín Municipal - 18.30 h. Lingua

Anxo Moure

Anxo Moure é un contacontos que se considera realmente un atrapador de contos, nacido o día dos Santos Inocentes, tamén é coñecido como o Carballo con Botas. Herdeiro da tradición do “Barón Rampante” de Italo Calvino e do realismo máxico de Álvaro Cunqueiro, os seus contos xa están no maxín de varias xeracións de alumnas e alumnos de centros escolares de Galiza, Euskadi, Castela-A Mancha, O Bierzo, Portugal… É o inventor da Ciclobiblioteca, a Titiricleta, o Paztinete, o Nubinete, a Barca dos Contos ou o Paraugas Dameaugas, aparellos cos que chega a bibliotecas, prazas, centros culturais ou escolas para contar os seus contos.

Desta volta presenta Teatro na Mochila no marco da Praza dos Libros no Xardín a partir das 18.30 h.