Inicio Carballo ao día Hemeroteca


Formulario de busca
A Corporación Municipal debate o luns o Orzamento Xeral para 2006

PLENO EXTRAORDINARIO

A Corporación Municipal debate o luns o Orzamento Xeral para 2006

Xoves 9 de marzo do 2006

O vindeiro luns, 13 de marzo, celebrase unha sesión plenaria extraordinaria para debatir o Orzamento Xeral do Concello para o exercicio 2006. O pleno ten lugar logo da celebración de dúas comisións informativas nas que as diferentes formacións políticas do concello tiveron ocasión de coñecer en profundidade a proposta do grupo de goberno. A sesión plenaria comezará ás 20,30 horas.

Aprobada unha declaración institucional no ‘Día Internacional da Muller Traballadora’

MULLER

Aprobada unha declaración institucional no ‘Día Internacional da Muller Traballadora’

Xoves 9 de marzo do 2006

A Comisión Especial da Muller aprobou, nunha xuntanza celebrada o 8 de marzo, unha Declaración Institucional co gallo da celebración do Día Internacional da Muller Traballadora. Na mesma, queda de manifesto que o Concello comprométese desde o ámbito municipal á promoción de campañas de sensibilización social que incidan na recesidade dun reparto equilibrado de funcións e tarefas no ámbito doméstico e na dignificación social do traballo realizado no ámbito familiar.

Rafael Eimil visitou as obras de Razo e Baldaio

LITORAL

Rafael Eimil visitou as obras de Razo e Baldaio

Xoves 9 de marzo do 2006

O Xefe de Demarcación de Costas, Rafael Eimil, visitou este xoves, 9 de marzo, as praias de Razo e Baldaio co obxectivo de facer un seguimento ás obras de recuperación do sistema natural do litoral. Os traballos continúan a bo ritmo e en breve iniciarase a actuación de consolidación dos taludes de Razo. Rafael Eimil puido comprobar a regularización dos regos de Nétoma e Pardiñas, ademáis da construcción da pasarela na zona da explanada.

A comisión de Asuntos Económicos e Especial de Contas debate o Orzamento Xeral para 2006

COMISIÓNS INFORMATIVAS

A comisión de Asuntos Económicos e Especial de Contas debate o Orzamento Xeral para 2006

Mércores 8 de marzo do 2006

A Comisión Informativa de Asuntos Económicos e Especial de Contas reúnese esta tarde, a partir das 19,00 horas, para abordar o Orzamento Xeral do Concello para o exercicio 2006. É a segunda xuntanza que se celebra en torno ao documento orzamentario, logo de que na primeira reunión se lles facilitara a todas as formacións políticas un borrador do documento.

O Concello remata a campaña de limpeza nas praias

LITORAL

O Concello remata a campaña de limpeza nas praias

Mércores 8 de marzo do 2006

O Concello de Carballo ven de rematar os traballos de limpeza nas praias do litoral, logo de tres semanas de traballo nos areais de Razo, Baldaio, Pedra do Sal, Arnela e Leira. As Concellarías de Medio Ambiente e Servizos e Mantemento levaron a cabo a campaña, da que participaron a Brigada de Medio Ambiente, membros do servizo de limpeza viaria de ASPABER UTE e alumnos de ASPABER que fan na actualidade un cursillo de limpeza.

Os escolares do concello poden disfrutar das ‘Profundidades do cosmos’

CULTURA

Os escolares do concello poden disfrutar das ‘Profundidades do cosmos’

Mércores 8 de marzo do 2006

Este mércores, 8 de marzo, veñen de comezar as visitas escolares á exposición As profundidades do cosmos no Museo Bergantiños. Sesenta nenos de 3º e 4º de primaria do Colexio Artai foron os primeiros en visitar a exposición esta mañán. Os alumnos teñen a oportunidade, a través de diversos recursos, de desfrutar dunha visión xeral da astronomía e aproximarnos a diferentes aspectos relacionados con esta ciencia, como o nacemento e evolución do universo, os elementos que compoñen os sistema solar, a conquista dos espazo por parte do home, varios instrumentos astronómicos de observación, maquetas e un sistema solar a escala.

Convocada unha nova edición do Programa de Turismo Social

SERVIZOS SOCIAIS

Convocada unha nova edición do Programa de Turismo Social

Martes 7 de marzo do 2006

A Vicepresidencia da Igualdade e do Benestar, a través de Dirección Xeral de Acción Social, convoca para o presente ano unha nova edición do Programa de Turismo Social, dirixido ás persoas maiores da nosa comunidade autónoma. Neste programa contémplanse, entre outras, as modalidades de Turismo Termal, Turismo de Intercambio, Turismo de Praia, Turismo de Saúde e Turismo ‘Galegos no Mundo’.

O Pazo da Cultura acolle un concerto-recital de José Carbajal

CULTURA

O Pazo da Cultura acolle un concerto-recital de José Carbajal

Martes 7 de marzo do 2006

A Asociación de Uruguaios polo Mundo de Carballo, en colaboración coas Concellerías de Emigración e Cultura, o Consulado de Uruguai e a Federación de Asociacións de Uruguaios de Galicia, achega este mércores, 8 de marzo, ao Pazo da Cultura, a actuación de José Carbajal El Sabalero. Trátase dun concerto-recital no que o autor presentará en Carballo o seu espectáculo La Casa Encantada, un traballo que resume os relatos e cancións sobre a infancia, adolescencia, familia, amizade e vivencias dos lugares nos que viviu.

O Concello programa diferentes actos para celebrar o Día Internacional da Muller

MULLER

O Concello programa diferentes actos para celebrar o Día Internacional da Muller

Martes 7 de marzo do 2006

A Comisión Especial da Muller reúnese este mércores, día 8 de marzo, co fin de aprobar unha Declaración Institucional coincidindo coa celebración do Día Internacional da Muller. Será un dos actos principais a desenvolver en Carballo, que terán continuidade o día 23 de marzo con outras actividades nas que colabora a Secretaría Xeral de Igualdade. Ao longo de todo ese día desenvolveranse actos que teñen por obxecto a sensibilización e información sobre os dereitos das mulleres.

Presentado o II Premio de artigos xornalísticos normalizadores Concello de Carballo

LINGUA

Presentado o II Premio de artigos xornalísticos normalizadores Concello de Carballo

Luns 6 de marzo do 2006

O alcalde de Carballo, Evencio Ferrero, e a concelleira de Cultura, Belén Lendoiro, presentaron o II Premio a artigos xornalísticos normalizadores Concello de Carballo 2006. A iniciativa, da que participa o Servizo de Normalización Lingüística do Concello e varios medios de comunicación, persegue promover a reflexión sobre a situación social da lingua galega, crear espazos nos xornais para analizar a situación social da lingua galega e promover o uso do galego na prensa escrita.

O goberno convoca un concurso de propostas para unha nova Escola Infantil Municipal

XUNTA DE GOBERNO LOCAL

O goberno convoca un concurso de propostas para unha nova Escola Infantil Municipal

Luns 6 de marzo do 2006

A Xunta de Goberno Local de Carballo acordou, na súa última sesión, elixir como sistema de adxudicación o concurso, procedemento aberto e tramitación ordinaria para a adxudicación dun contrato de consultoría e asistencia para levar a cabo un concurso de anteproxecto, coa intervención do xurado, do edificio destinado a Escola Infantil Municipal. Inclúese tamén a contratación da redacción de proxecto e dirección de obras, ademáis dun orzamento máximo de 37 mil euros.

Compartir: