Cambios no tráfico a partir do xoves 5 con motivo da celebración de Berocasión e MercaEDillo

Mércores 4 de setembro do 2024

Con motivo da celebración de Berocasión e MercaEDillo, promovidas por Axober e o Centro Comercial Aberto, respectivamente, a partir do xoves 5 será preciso reorganizar o tráfico e os aparcadoiros na contorna do Rego da Balsa. Estes son os cambios previstos:

• A partir das 15.00 horas do xoves queda prohibido circular e estacionar nas rúas Pontevedra, Ánxel Fole, Enrique Sánchez e Arcebispo Romero de Lema. Tampouco se poderán utilizar os aparcadoiros que figuran no plano anexo.
• As persoas usuarias de garaxes nas rúas Ourense e Baños Vellos utilizarán as vías máis próximas tanto para acceder como para saír.
• As rúas e os aparcadoiros pechados iranse habilitando de novo ao longo da xornada do luns 9.