Concello de Carballo
Menú:
Destacados
Axenda: 17 de agosto 2012
Axenda Vive
O malabarista Roi Sixto presenta o espectáculo "O Cagabolas" no Xardín Municipal
20:00 O programa do Verán Cultural 2012 ofrece unha cita destinada aos máis cativos e cativas. Roi Sixto presenta "O Cagabolas", un espectáculo no que pelotas, mazas, aros, diábolos e ata un moniciclo sairán dunha maleta. Este malabarista, un dos mellores da escena galega, pretende abraiar ao público con orixinais números de acrobacias e espectaculares xogos. Destaca polo seu virtuosismo, que combina perfectamente o clown e o teatro de rúa. A cita é no Xardín Municipal a partires das 20.00 horas e conta coa colaboración da Deputación.
Axenda Vive
A artista Uxía volve a Carballo para presentar o seu último traballo "Meu canto"
22:30 A artista galega Uxía volve de novo a Carballo para presentar o seu último traballo "Meu canto", unha selección dos temas fundamentais do seu repertorio en directo e tamén de temas que ata a actualidade nunca abordara. O público poderá gozar máis que nunca da excepcional voz sen artificios desta excepcional artista galega que leva 25 anos de carreira artística. A cita, que conta coa colaboración da Deputación da Coruña, é de balde a partires das 22.30 horas na Praza do Concello.
© Concello de Carballo, 2009