Axenda: 12 de febreiro 2016

Axenda Vive

Festa e baile de Entroido no Pavillón do CEIP A Cristina

17:00 A ANPA (Asociación de Nais e Pais) do CEIP A Cristina de Carballo organiza unha festa e baile de Entroido a partir das 17.00 horas. A cita terá lugar no Pavillón polideportivo do centro de ensino.

Axenda Vive

Exposición "Miradas 4": no terceiro andar do Pazo da Cultura até o 18 de febreiro

Exposición

18:00 A sala de exposicións Alberto Gende situada na baixocuberta do 3º andar do Pazo da Cultura de Carballo acolle até o 18 de febreiro a mostra "Miradas 4", unha escolma do traballo dun total de 31 creadores e creadoras vinculados a Muxía e a Carballo coa que se pretende dar a coñecer os traballos que están a desenvolver. A mostra, incluída no programa dos Venres Culturais 2016, pode visitarse a diario até o 18 de febreiro de 18.00 a 21.00 horas. +info: aquí.

Axenda Vive

A exposición "Vermello" pode visitarse até o 28 de febreiro no andar -1 do Pazo da Cultura

Vermello

18:00 O andar -1 do Pazo da Cultura acolle até o 28 de febreiro"Vermello", unha exposición fotográfica do Colectivo coruñés Aula K. A mostra presenta a percepción e reflexións persoais de cada un dos autores participantes a través desta cor. Os autores que participan na exposición son Alfredo Varela, Ángel Cordero, Antón Varela, Basti Soto, Brais Quintero, Carlos Rodríguez, Carolina Lorenzo, Lupe Vázquez, Manuel Vicente, Paola Velo, Pablo Santiago, Pedro Carrete, Rodrigo Moreiras e Rubén Fabeiro. Esta cita está enmarcada na programación de Venres Culturais 2016 e a mostra poderá visitarse ata o 28 de febreiro de 18.00 a 21.00 horas de luns a domingo. Máis info, aquí.

Axenda Vive

Volven os Venres Culturais co espectáculo teatral "Pan! Pan!" da compañía A Panadaría

Pan Pan

21:00 Tras a festa do Entroido regresa a programación dos Venres Culturais 2016 cunha proposta de teatro para adultos o venres 12 de febrero ás 21.00 horas no auditorio do Pazo da Cultura. Por primeira vez no escenario carballés estará a compañía galega A Panadaría que porá en escena o seu espectáculo "Pan! Pan!". Trátase dunha divertida e tola obra que desmonta e reconstrúe os vellos westerns do remoto oeste a través do antiheroe Harry, un cowboy americano. O prezo das entradas é de 3€ e de 2€ o prezo reducido. A duración prevista do espectáculo é de 60 minutos. Máis información, aquí.

Buscador:


<< 2016 >>
<< febreiro >>
L M M X V S D
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29            

Propoñemos

aqui el nomebanner

© Concello de Carballo, 2009