Concello de Carballo

O Concello de Carballo está facendo un verdadeiro esforzo no mantemento do Medio, investindo importantes cantidades de diñeiro en facer de Carballo un bo lugar para vivir.

A Concellaría de Obras e Servizos, en colaboración coa de Medio Ambiente, ten realizado diversos traballos de mellora do medio moi apreciados pola cidadanía:

• Limpeza e senda peonil pola beira do Anllóns dende o parque ata a cepeira.
• Limpeza e posta en funcionamento de todas as depuradoras do rural.
• Limpeza de todas as cunetas do termo municipal.
• Montaxe dos primeiros WC para cans do termo municipal.
• Realización dun estudo de situación de sumidoiros e servizos de todo o Concello.
• Limpeza de todas as fontes do termo municipal.
• Eliminación de máis de 200 vertedoiros incontrolados e seguimento do mesmo.
• Campaña de promoción do punto limpo municipal, xunto cunha ampliación do horario de apertura do mesmo.

Documentos descargables