Concello de Carballo

Padroado Deportivo Municipal
Director-xerente: Francisco García Bello
Rúa Vila de Corcubión, s/n
C.P. 15.100 - Carballo
Teléfono 981 702 109

Horario do punto de información ao público: de luns a venres de 8.30 a 14.00 e martes e xoves de 17.00 a 19.00 horas.

Horario de verán (do 15 de xuño ao 5 de setembro): de luns a venres de 8.00 a 14.00 horas.

O Padroado Deportivo Municipal xestiona as actividades deportivas que se desenvolven en Carballo, promovendo a práctica do deporte como hábito saudable e deseñando unha programación adaptada ás necesidades dos distintos colectivos sociais. O Concello tamén colabora intensamente coas diferentes entidades deportivas que desenvolven a súa actividade en Carballo.

Deporte Escolar

O Padroado Deportivo Municipal, en colaboración co Concello, puxo en marcha hai uns anos un programa pioneiro destinado a promover o deporte nos centros de ensino. A iniciativa mobiliza a máis de 60 monitores/as, que se encargan de ofrecer un abano de actividades físicas gratuítas aos escolares do municipio. Todas elas teñen lugar fóra do horario lectivo.

O programa deportivo desenvólvese a través de catro vías:

• Escolas deportivas.
• Competicións.
• Encontros deportivos.
• Xornadas deportivas puntuais.

Grazas a este programa todos os escolares de Carballo poden gozar de balde da Piscina Municipal durante tres anos. Ademais de favorecer a práctica do deporte, a iniciativa fomenta a formación en valores persoais e sociais, mellorando a calidade de vida, a integración e a participación do alumnado.

Benefícianse do programa Deporte na Escola os centros de ensino primario Bergantiños, Gándara - Sofán, Nétoma Razo, Fogar, San Luís Romero e A Cristina. As actividades que neles se desenvolven contemplan ligas de balonmán, baloncesto, voleibol e fútbol sala.

Cada curso deportivo clausúrase coa xornada deportiva Xogar na Rúa, concebida cun obxectivo pedagóxico, non discriminatorio, gratuíto e aberto a todos os rapaces e rapazas.

Deporte e persoas maiores

Os maiores de Carballo teñen á súa disposición un programa específico de actividade deportiva, completamente gratuíto. As persoas que superan os 60 anos de idade teñen así a oportunidade de manter e mellorar a súa calidade de vida. As iniciativas programadas, especialmente adaptadas á súa condición, favorecen asemade as relacións sociais entre este colectivo.

Tres días á semana, durante unha media hora, máis de cen persoas de todos os puntos do municipio reúnense na Vila para facer exercicio. Todo baixo a supervisión de mestres/as licenciados en Inef en posesión da especialidade no exercicio físico para o adulto.

Listaxe coa concesión de axudas a desprazamentos a clubes, entidades deportivas e deportistas individuais que participan en competicións no ámbito autonómico para a tempada 2011-2012

Enquisa de satisfacción d@s usuari@s dos Centros Deportivos Municipais: xullo de 2010

Ligazóns relacionadas

Documentos descargables