Concello de Carballo

Logotipo Concello de Carballo

Deporte

Servizo Municipal de Deportes
Rúa Vila de Corcubión, s/n
C.P. 15.100 - Carballo
Teléfono 981 702 109

Horario do punto de información ao público: de luns a venres de 8.30 a 14.00 e martes e xoves de 17.00 a 19.00 horas.

Horario de verán (do 15 de xuño ao 5 de setembro): de luns a venres de 8.00 a 14.00 horas.


O Concello de Carballo mantén nestes tempos de crise o compromiso de servizo público e de calidade para facer posible o acceso de toda a poboación á práctica deportiva. Para este obxectivo procúrase completar e diversificar a nosa oferta deportiva atendendo á xeralidade da poboación, así como programando actividades dirixidas a colectivos específicos como a muller, os maiores e persoas con necesidades especiais.

Tamén existe un compromiso co deporte de base e federado. Buscase potenciar a colaboración coas entidades deportivas garantindo o seu acceso ás instalacións municipais, mantendo as liñas de subvención, facilitando a celebración de torneos e ofertando mecanismos de apoio á súa xestión. Isto é fundamental para consolidar un programa anual de eventos en colaboración cos clubs, atraendo equipos de nivel de ámbito galego ou estatal.

O Servizo Municipal de Deportes do Concello de Carballo deseña unha programación ampla e variada e realiza unha xestión da calidade nos complexos deportivos municipais.

Eventos deportivos

A Carreira Popular Concello de Carballo reúne cada ano nas nosas rúas a máis de 1000 participantes de todas as idades, un éxito de participación, ao igual que a Carreira de Campo a través en idade escolar, que todos os anos xunta a máis de 600 rapaces e rapazas dos colexios da localidade.

Grazas á colaboración entre o Concello e o forte tecido asociativo na promoción do deporte de base da localidade existen certas probas deportivas de recoñecido prestixio como o Torneo Internacional de Fútbol-8 Concello de Carballo - Memorial José Luís Vara. Tamén é importante a actividade do Circuíto Municipal de Carballo, onde as entidades do motor realizan probas de motocross, quadcroos e autocross dos campionatos galego e estatal.

Cada curso deportivo clausúrase coa xornada deportiva Xogar na Rúa, concibida cun obxectivo pedagóxico, non discriminatorio, gratuíto e aberto a todos os rapaces e rapazas.

Tríptico informativo cos cursos, horarios e prezos das actividades de Carballo Deporte para 2014

Ligazóns relacionadas

Documentos descargables

Buscador:


Actividade deportiva escolar

Propoñemos

Tríptico Carballo Deporte 2014
Guía deportiva municipal
Carballo Deporte en Facebook
Carballo Deporte en Twitter
Páxina web da Liga de Fútbol Sala de Carballo

© Concello de Carballo, 2009