Concello de Carballo

Cultura

Biblioteca Municipal de Carballo

Rúa San Xoán Bautista, s/n, 15.100
Carballo - A Coruña
Teléfono 981 704 041

Horario de apertura, de luns a venres de 9.00 a 13.00 e de 16.00 a 20.00

A Biblioteca Municipal de Carballo está situada nun edificio anexo ao antigo cárcere, na actualidade convertido no Museo de Bergantiños. O recinto forma parte dun conxunto restaurado polo arquitecto Manuel Gallego Jorreto. Foi el o encargado de deseñar esta biblioteca de nova planta, inaugurada no ano 1998. Dispón de tres andares e dun entrechán. O primeiro andar é continuo, mais o resto son distintos para así poder facilitar a conexión visual.

Esta biblioteca, que conta con máis de 20.000 fondos, é de referencia para toda a comarca de Bergantiños, e pretende especializarse na bibliografía local, tanto con obras de temas relacionados con Carballo, coa comarca de Bergantiños e coa Costa da Morte, como con obras escritas por xente da zona ou vencellada a ela.

Servizos que ofrece a Biblioteca:

• Lectura e consulta en sala. Acceso directo a obras de referencia no primeiro andar. Catálogos.
• Empréstamo a domicilio por quince días gratuíto para socias e socios.
• Consulta en sala de material electrónico -CD, DVD, etc.-.
• Acceso á rede en sala para usuarios/as. Posibilidade de utilizar portátiles particulares para acceder á rede.
• Seccións de obras infantís e xuvenís con material de referencia.
• Bibliografía local. Libros de temas relacionados con Carballo, Bergantiños e Costa da Morte. Obras escritas por xente da zona.
• Hemeroteca con publicacións locais, galegas e internacionais.
• Discos e casetes de folclore galego, nomeadamente da zona de Bergantiños e Costa da Morte.
• Información.
• Visitas escolares.
• Exposicións.
• Encontros con autores e autoras.

Outros datos de interese:

• Total de fondos: máis de 20.000.
• Número de asociados/as: máis de 4.000.
• Número de prazas en sala: 70, distribuídas en tres andares.
• Número de ordenadores con acceso á rede: 3.

Ligazóns relacionadas