Concello de Carballo

Cultura

Pazo da Cultura

Rúa do Pan, s/n, 15.100
Carballo - A Coruña
Teléfono 981 704 300
Fax 981 704 302
cultura@carballo.org

O Pazo da Cultura, emprazado a carón do Parque do Anllóns, foi inaugurado en 2002. A totalidade desta infraestrutura foi construída polo alumnado da Escola Taller de Carballo baixo o proxecto do arquitecto Luís Collarte Rodríguez. O resultado é un inmoble de grandes dimensións, moderno e funcional, que sorprende pola concepción da súa estrutura externa e pola grande capacidade interior.

Este espazo acolle unha ampla programación organizada pola Concellaría de Cultura. O teatro, concertos, conferencias, exposicións ou xornadas son só algunhas das actividades que teñen cabida no recinto. Acolle, asemade, actos organizados por outras concellarías, entidades culturais, educativas ou asociativas da Comarca.

O Pazo de Cultura constitúe un referente na comarca de Bergantiños, ao prestar innumerables servizos á comunidade e ofrecer a programación cultural máis completa da zona.

Servizos que ofrece o Pazo da Cultura:

• Oficinas da Concellaría de Cultura, Ensino e Normalización Lingüística.
• Auditorio.
• Sala de exposicións.
• Salón Social da Terceira Idade.
• Sala de lectura.
• Sala de TV.
• Sede do Conservatorio Profesional de Música de Carballo.
• Sede da delegación en Carballo da Escola Oficial de Idiomas da Coruña.
• Salas de reunións, charlas ou cursos -con diversas capacidades-.
• Salas de ensaio para agrupacións musicais e teatrais.
• Aula de informática-Telecentro
• Cafetería.