"O show de Willy Pomper", un espectáculo de pompas de xabón xigantes

Sábado 24 de xuño do 2017 19 horas - Praza do Concello

Willy Pomper, o mago das burbullas, amosará aos asistentes un mundo máxico cheo de cores e fantasía. Realizará un marabilloso espectáculo de burbullas Pomper ao aire libre, con pompas de moitos tamaños, formas e cores, que voarán no ceo, ao ritmo do vento e da música.

Empezará con pompas pequeniñas como formiguiñas, e cada vez faraas máis e máis grandes: pompas medianas, grandes e xigantes. Trucos con fume e efectos especiais. Pompas dentro de pompas, refachos e arcoiris... deleitarán a todos os asistentes. Cunha banda sonora orixinal, Willy Pomper sorprenderá a todos os asistentes coas súas marabillosas creacións de arte efémera. Un divertidísimo espectáculo, no que os protagonistas serán os nenos e as impresionantes megaburbullas de Pomper.