Inicio Carballo ao día Novas Xa podes consultar a relación de alumnado...

Xa podes consultar a relación de alumnado clasificado para a final do II Concurso de Solistas, que se celebrará o 25 de marzo

Xoves 13 de febreiro do 2020 Educación Conservatorio

O alumnado do CMUS está de xira polas parroquias. Na imaxe, actuación en Sofán

O alumnado do CMUS está de xira polas parroquias. Na imaxe, actuación en Sofán

Once alumnos e alumnas do grao elemental e dez do grao profesional conseguiron clasificarse para participar na fase final do II Concurso de Solistas, que se celebrará o 25 de marzo. Na gala, que se celebrará no auditorio do Pazo da Cultura, poderemos escoitar interpretacións individuais de trompeta, trompa, percusión, piano, guitarra, frauta, clarinete, violín, saxofón, acordeón, guitarra, trombón, viola e violoncello. A relación completa de estudantes seleccionados/as e as pezas que tocarán pode consultarse no documento axunto.

O Conservatorio Profesional de Música de Carballo concederá tres premios en grao elemental e outros tres en grao profesional. Os/as gañadores/as do primeiro premio recibirán un cheque-regalo e diploma, e actuarán como solistas, acompañados pola banda ou a orquestra do CMUS, o curso que vén.

Na primeira edición do concurso, que se celebrou o curso pasado, no Grao Elemental, e de xeito excepcional, o tribunal acordou por unanimidade outorgar dous primeiros premios compartidos a Mar Fraga Enjo e Abel Ponte Castiñeiras, e un segundo premio a Adrián A. Gorgan. No Grao Profesional concedéronse tres premios: o primeiro, a Gala Cernadas; o segundo, a Paula Ézara, e o terceiro, a María Añón.

Descargas

Compartir: