Aberto o prazo de inscrición para o taller "Confianza e seguridade das mulleres na rede"

Martes 5 de marzo do 2019

Xa está aberto o prazo de inscrición para o taller gratuíto "Confianza e seguridade das mulleres na rede", incluído no Programa Atenea, que se celebrará o 18 de marzo no Pazo da Cultura dentro dos actos que estamos a desenvolver arredor do 8 de Marzo.

Estes serán os contidos:

• ¿Coidas a túa imaxe na Internet? Analizaremos que é identidade dixital, reputación online e privacidade
• ¿Pensaches en mellorar a túa seguridade na rede? Aprenderemos a usar ferramentas de seguridade en internet...
• ¿Usas Internet de xeito seguro? Veremos como crear os teus contrasinais, comprobar a fiabilidade das páxinas web que visitas, configurar axeitadamente o nivel de seguridade do teu navegador...
• ¿Coñeces os riscos da internet? Estudiaremos que son as tecnoadiccións e os riscos nas redes (sexting, sextorsión, ciberacoso, grooming, suplantación de identidade, spam, malware)