Inicio Carballo ao día Avisos Aberto ata o 14 de agosto o prazo de...

Aberto ata o 14 de agosto o prazo de matrícula para utilizar o Programa Concilia durante o curso 2018-19

Luns 23 de xullo do 2018

Do 16 de xullo ao 15 de agosto está aberto o prazo de matrícula para as familias que desexen ser usuarias do Programa Concilia durante todo o curso escolar 2018-19. Aínda que as incorporacións poden realizarse en calquera momento do ano, en función das necesidades das familias, este período de inscrición resulta imprescindible para a correcta organización do servizo. A partires do 15 de setembro habilitarase outro prazo para as incorporacións que se produzan a partir de outubro.

O ano pasado beneficiáronse do Concilia un total de 225 nenas e nenos, repartidos entre os colexios Fogar e Bergantiños. A extensión do programa a outros centros está supeditada á existencia dun número mínimo de participantes. O que si se ampliará o vindeiro curso, atendendo ás peticións das familias, é o horario, de maneira que os nenos e nenas poderán incorporarse xa desde as 07.00 horas.

Tamén poden reservar praza para os primeiros días do mes de setembro, ata o comezo do curso, os/as usuarios/as habituais. Neste caso, tal como figura na ordenanza municipal, o custe será de 8,93€ por día, con almorzo para os/as que o utilicen habitualmente, pero o servizo non se prestará no colexio senón na sede do centro de ocio Xolda (rúa Vila de Noia, 74-76), onde os pais e nais deberán deixar e recoller aos rapaces/as.

Nos documentos adxuntos figura toda a información, as follas de inscrición e as normas de uso, pero se desexan máis información poden dirixirse ao Centro de Información á Muller no edificio de Servizos Sociais ou chamando aos números de teléfono 981 700 688 / 981 704 706.

Descargas

Compartir: