MELLORAS VIARIAS
O Concello de Carballo inviste preto de 50.000 euros na pavimentación de 17 vías urbanas
Xoves 19 de xaneiro do 2017
Os proxectos de mellora da accesibilidade que se están a levar a cabo nas rúas Vila de Noia, Xúpiter, Barrio das Flores -aos que pronto se sumarán as reurbanizacións das rúas Ponte e Desiderio Varela e da contorna do CEIP San Luís Romero- complementarase cun investimento de preto de 50.000 euros na pavimentación doutras 17 vías urbanas. As obras serán executadas pola empresa Lancer Proyectos y Obras, que dispón de tres meses de prazo para levalas a cabo.
As actuacións dividíronse en varios tipos en función do estado das vías, de xeito que nuns casos será preciso realizar un fresado previo ou rebacheo antes de aplicar a capa de rodadura. En total pavimentaranse 15.142 metros cadrados, e a actuación completarase coa sinalización horizontal.
Relación de rúas
- Avenida do Ambulatorio
- Ramón y Cajal
- Gregorio Marañón
- Severo Ochoa
- Luís Braille
- Marte
- Pintor Luís Seoane
- Pan
- Cervantes
- contorna do edificio de Facenda
- Manuel Regueira
- Vila de Negreira
- Estrela
- Baños Vellos
- Pontevedra
- Névedas
- María Barbeito
- Ramón Cabanillas
- acceso á caldeira de biomasa.