Actualidade de Inviste en Carballo

DISPOÑIBLES POSTOS DE COMERCIAL, MECÁNICOS E ELECTRICISTAS

A Bolsa de Traballo do Concello de Carballo comezou o ano cun incremento das ofertas de emprego con doce solicitudes

A Bolsa de Traballo do Concello de Carballo comezou o ano cun incremento das ofertas de emprego con doce solicitudes

O grao de implantación da Bolsa de Traballo (BDT) do Concello de Carballo é cada vez maior, e non só entre as persoas que buscan unha ocupación laboral ou mellorar a que teñen, senón tamén entre as empresas. O ano 2016 comezou cun notable incremento de ofertas de emprego. De feito, no mes de xaneiro foron xestionadas 12, moi por riba da media mensual, que se sitúa en 8. Pero non só son cada vez máis as empresas que recorren a este servizo municipal, senón que tamén é máis frecuente que repitan.No comezo do 2016 cubríronse dende a BDT ofertas para os sectores da agricultura, os servizos e a hostalería. Neste momento están abertos cinco procesos de selección:

  • Comercial de 25 a 55 anos, con coche e dispoñibilidade para viaxar por toda España. Requirido nivel medio-alto de inglés.
  • Vendedor axente comercial, con dotes comerciais e habilidades comunicativas, para traballar para unha empresa do sector da seguridade e contraincendios.
  • Comercial para empresa de novas tecnoloxías, de 25 a 50 anos de idade e con coche propio. Formación á cargo da empresa.
  • Mecánico de maquinaria de construción para traballar en reparacións nunha empresa de Carballo. Maior de 20 anos e con dous anos de experiencia como mínimo. Xornada completa con horario partido.
  • Electricistas para traballar en obra e dispoñibilidade para viaxar por toda España. Imprescindible curso de prevención xeral e específico en electricidade e curso de plataformas ou carretillas elevadoras. Valorarase a experiencia laboral.

Ler

Dúas novas ofertas de emprego na Bolsa de Traballo (BDT) de Carballo para desempeñar labores de axente comercial

Concello e Deputación asinan un convenio para desenvolver a terceira edición do festival de webseries Carballo InterPlay

Ver todas

Actualidade de Atención Cidadá

O Concello adecúa os parques  infantís con xogos adaptados, unha pista multideporte e o primeiro parque cuberto

11/02/2016 O Concello adecúa os parques infantís con xogos adaptados, unha pista multideporte e o primeiro parque cuberto

Nestes momentos xa están rematados os traballos de mellora en 33 dos 42 parques infantís do concello. Así, na ampla maioría deles os labores finalizaron ou están a piques de facelo e ademais seis xa contan coa certificación correspondente. Tan só quedan nove pendentes que tamén serán mellorados en próximos días. Así o reflicte un informe realizado de acordo co proxecto para a adecuación dos parques que comezou en novembro cun orzamento de 95.095 euros. A actuación inclúe a reposición ou substitución de xogos, pezas ou elementos deteriorados -nomeadamente debido ao seu elevado nivel de uso-, e a elaboración dun informe posterior de verificación de que todos os xogos e os parques están en óptimas condicións. Así mesmo este investimento permite poñer a disposición dos nenos e nenas con problemas de mobilidade os primeiros xogos adaptados do municipio, situados na praza Eduardo Pondal (a carón do CEIP Bergantiños). Escolleuse este parque porque este tipo de xogos, polo seu volume, requiren dun amplo espazo que non existe en todos os parques. En todo caso, a intención do goberno municipal é seguir implantándoos onde sexa posible. Nun percorrido polos parques do casco urbano e das parroquias, o alcalde, Evencio Ferrero, e o concelleiro de Obras e Servizos, Luis Lamas, realizaron unha comprobación dos traballos realizados por Jardinería Arce, SL, empresa adxudicataria do contrato. Coa instalación dos primeiros xogos adaptados, o goberno municipal dá resposta unha necesidade social que estaba sendo demandada polas familias.


Axenda de Atención Cidadá

12/02/2016 Rolda de prensa na Casa do Concello para presentar o Festival Inclusonicon

Ver todas

Actualidade de Vive en Carballo

O salvaxe oeste cobra vida co espectáculo teatral "Pan! Pan!": este venres 12 de febreiro nos Venres Culturais

10/02/2016 O salvaxe oeste cobra vida co espectáculo teatral "Pan! Pan!": este venres 12 de febreiro nos Venres Culturais

Tras a festa do Entroido regresa a programación dos Venres Culturais 2016 cunha proposta de teatro para adultos o venres 12 de febrero ás 21.00 horas no auditorio do Pazo da Cultura. Por primeira vez no escenario carballés estará a compañía galega A Panadaría que porá en escena o seu espectáculo "Pan! Pan!". Esta é unha nova compañía integrada por tres novos intérpretes, que con este primeiro e fresco espectáculo de creación propia, recibiron xa diversos recoñecementos, como o premio Xuventude Crea, o Premio María Casares ou o Premio da Crítica 2015. "Pan !Pan!" é unha divertida e tola obra que desmonta e reconstrúe os vellos westerns do remoto oeste a través do antiheroe Harry, un cowboy americano que viaxa de Mississippi a Arkansas perseguindo a un indio salvaxe que raptou á súa muller. Este antiheroe sufrirá moitas aventuras en fedorentas cantinas e en desertos cheos de perigos, nos que redescubriremos o mundo sen lei dos ranchos vaqueiros. Un escenario baleiro, oito personaxes e toda unha banda sonora son os ingredientes desta divertida e tola obra. O prezo das entradas é de 3€ e de 2€ o prezo reducido. Poden reservarse no 981 704 300 de 10.00 a 14.00 horas na Concellaría de Cultura (1º andar do Pazo da Cultura) ou recollelas na billeteira o mesmo día da función a partir das 19.30 horas. A duración prevista do espectáculo é de 60 minutos e a cita está incluída no programa Venres Culturais 2016.


Axenda de Vive en Carballo

12/02/2016 Festa e baile de Entroido no Pavillón do CEIP A Cristinaicon

29/01/2016 Exposición "Miradas 4": no terceiro andar do Pazo da Cultura até o 18 de febreiroicon

06/02/2016 A exposición "Vermello" pode visitarse até o 28 de febreiro no andar -1 do Pazo da Culturaicon

Ver todas

Buscador:


Propoñemos

Ruar e rir Apego Paraúgate! Carballo, mirando ao mar PXOM: aprobación provisional O Concello nas Redes Sociais Carballo a un paso Descontos de Xestur Coruña Bolsa de Traballo Municipal Rueiro de Carballo 2013 Normativa do Proxecto Sectorial do Parque Empresarial de Bértoa Fórum 2.0 Inviste en Carballo Concurso adxudicación parcelas parque empresarial de Bértoa Feiróns de Tempada Comunidade de Propietarios do Polígono de Bértoa Carballo Limpo Carballo Concello do Eixo Atlántico

© Concello de Carballo, 2009