Actualidade de Inviste en Carballo

A SEGUNDA EDICIÓN DA CITA TERÁ LUGAR ENTRE O 16 E O 18 DE ABRIL

O Carballo InterPlay medra e abre o foco ás webseries internacionais e a novos contidos audiovisuais en Internet

O Carballo InterPlay medra e abre o foco ás webseries internacionais e a novos contidos audiovisuais en Internet

Os días 16, 17 e 18 de abril Carballo acollerá a segunda edición do festival Carballo InterPlay (CIP) que nesta nova andaina abre o seu foco de atención, en primeiro lugar coa presenza dunha sección internacional con webseries chegadas dende puntos tan distantes como México, Argentina, Francia, Brasil ou Reino Unido, entre outros; e, en segundo, transcendendo o mundo das webseries para centrarse en todo tipo de producións audiovisuais e contidos dixitais explorando as posibilidades de Internet como medio para a narración, o humor, a non ficción, o patrimonio audiovisual ou a performance interactiva. Despois de que a organización, personificada na directora do CIP, Sonia Méndez, subliñase o "éxito" da primeira edición, este ano os retos son seguir medrando e dar cabida a todo tipo de propostas. Respecto do programa, como o ano pasado, as mañás están reservadas no Fórum Carballo a diversas actividades paralelas destinadas a ver desde varios ángulos a industria dos contidos dixitais e as distintas formas en que Internet nos axuda a facer humor, a preservar a nosa memoria colectiva ou a rebuscar no noso código fonte audiovisual. Polas tardes, o Pazo da Cultura é o escenario elixido para a proxección das 43 webseries da sección oficial, escolleitas entre as 144 enviadas ao festival. Tamén será o momento das estreas, o xoves 16 cun novo capítulo da webserie "Entertainment" dos creadores de "Malviviendo" e coa película "Searching for Meritxell"; o venres 17 cunha "batalla audiovisual" cos artífices de "Venga Monjas" e "Malviviendo"; e o sábado 18 coa Gala de peche.

Ler

O Horto Infantil, APEM e "Derrubando muros con pintura" colaboran para unir arte, natureza e inserción social

Arrinca un Curso de Competencias Clave e remata un de Mozo de Almacén organizados pola Bolsa de Traballo Municipal

Ver todas

Actualidade de Atención Cidadá

O pleno aproba por unanimidade o cumprimento do requirimento de deficiencias e integridade documental do PXOM

31/03/2015 O pleno aproba por unanimidade o cumprimento do requirimento de deficiencias e integridade documental do PXOM

A corporación carballesa vén de celebrar o pleno ordinario de marzo, unha sesión que durou ata case as doce da noite despois de máis de tres horas de debate e que comezou cun minuto de silencio en memoria dos falecidos no tráxico accidente aéreo de Germanwings producido en Francia o pasado 24 de marzo, así como dos dous mariñeiros que faleceron tamén hai unha semana en Laxe. Respecto dos puntos da orde do día que recibiron o visto e prace dos concelleiros, hai que subliñar a aprobación por unanimidade do cumprimento do requirimento de deficiencias e integridade documental do PXOM, un paso máis de cara a aprobación definitiva do planeamento. Despois destas subsanacións requiridas pola Consellería de Medio Ambiente, Territorio e Infraestruturas, que tamén aconsellou que as achegas foran ratificadas polo pleno da corporación, agora a resolución está en mans da Xunta, que, unha vez recibidas as subsanacións, poderá ditaminar nun prazo de dous meses a aprobación ou o rexeitamento do PXOM, unha aprobación parcial ou unha aprobación con condicións do planeamento. Dentro dos asuntos que se aprobaron por unanimidade, tamén hai que mencionar a integración do Concello de Carballo nas áreas de transporte metropolitano da Coruña e de Santiago de Compostela, o que suporá un importante aforro para os usuarios e usuarias. Na actualidade a área coruñesa está conformada por trece concellos aos que se sumarán tres en 2015, mentres que a de Santiago conta con vinte aos que se sumarán outros sete. O acordo inclúe a achega necesaria da administración local para poder integrarse no plan, que será de arredor de 26.000 euros para o caso da Coruña, e de arredor de 6.000 no caso de Santiago


Ver todas

Actualidade de Vive en Carballo

Xa hai preto de 100 parellas inscritas na carreira popular, solidaria, integradora e nocturna "De dous en dous"

31/03/2015 Xa hai preto de 100 parellas inscritas na carreira popular, solidaria, integradora e nocturna "De dous en dous"

Segundo os datos contabilizados a 31 de marzo xa son un total de 93 as parellas inscritas para a carreira popular, solidaria, integradora e nocturna "De dous en dous" que se celebrará o sábado 11 de abril e que está organizada polo Club Atletismo Carballo en colaboración co Concello, ademais de ser unha proba oficial da Federación Galega de Atletismo. A cita conta con varias peculiaridades. Así, en primeiro lugar, o feito de que os participantes na categoría de adultos correrán por parellas, de dous en dous, unidos por unha goma elástica polas mans. En segundo lugar, o horario, xa que a carreira será nocturna. En terceiro, o seu carácter solidario, posto que tanto os participantes coma o público poderán entregar, de forma voluntaria, un quilo ou un litro de alimentos non perecedoiros a beneficio de Cruz Vermella e Cáritas. E, por último, é unha carreira integradora, xa que se fomenta a participación de persoas con diversidade funcional, que poderán ir acompañadas ou utilizar os instrumentos necesarios para o seu desprazamento durante o percorrido na forma máis convinte. Á parte das 91 parellas inscritas, tamén hai outros 107 participantes individuais nas categorías cadete, infantil, alevín, benxamín e pitufos. A saída de todas as probas estará situada na rúa Gran Vía, á altura da rúa Álvarez de Sotomayor. A recollida de dorsais farase o mesmo día, a partir das 16.00 horas, no primeiro andar do mercado municipal. O prazo de inscrición está aberto até o sábado 4 de abril e os interesados e interesadas en anotarse poden formalizar a inscrición clicando aquí.


Ver todas

Buscador:


Propoñemos

Festival Carballo InterPlay Carballo Handball Festival '15 Premio a Artigos Xornalísticos Normalizadores Carballo, mirando ao mar Formacip Carballo Interplay PXOM: aprobación provisional O Concello nas Redes Sociais Carballo a un paso Descontos de Xestur Coruña Bolsa de Traballo Municipal Rueiro de Carballo 2013 Normativa do Proxecto Sectorial do Parque Empresarial de Bértoa Fórum 2.0 Inviste en Carballo Concurso adxudicación parcelas parque empresarial de Bértoa Feiróns de Tempada Comunidade de Propietarios do Polígono de Bértoa Carballo Limpo Carballo Concello do Eixo Atlántico Premio Sajarov 2014

© Concello de Carballo, 2009