Cultura

Comeza o ciclo de documentais "1º de maio"

Xoves 5 de maio do 2022 20.00 horas - Biblioteca Rego da Balsa

A Concellaría de Cultura organiza, arredor do 1º de maio, un ciclo de documentais sobre o movemento obreiro nas cuncas mineiras. Precisamente este ano conmemórase o 60º aniversario da folga mineira de Asturias de 1962, que durou dous meses e que serviu coma detonante para outras folgas en todo o territorio nacional que mobilizaron a máis de 300.000 obreiros.

O 5 de maio poderemos ver Mines de Figareo, memoria d’unha llucha, baseado en feitos sucedidos entre os anos 1978 e 1980.

Sinopse: Un repaso polos feitos e accións máis destacadas que protagonizaron os traballadores de Minas de Figaredo na loita pola nacionalización da empresa (1978-1980), un manual de guerrilla urbana e de pobo. Aínda resoan no val os berros de quen non viñan bendicir aos patróns: "Tirádeo, tirádeo!"

A entrada será libre e de balde.