Cultura

Os mellores monólogos de Carlos Blanco no Mercado Municipal

Domingo 29 de setembro do 2019 20:00 horas - Mercado Municipal

Que difícil podería resultar se tivésemos que escoller entre todos os monólogos de Carlos Blanco! Cal nos fai rir máis, cal resulta máis entrañable, cal máis pillabán…?? Pero o de Vilagarcía poñeránolo moi doado. O mítico actor fai unha revisión dalgunhas das súas pezas máis coñecidas, entre as que figuran As bravas da Arousa (Queres Kiwis?), As grandes frases das nosas avoas e avós, A dobraxe porno ou Galizara.

E como xa é un clásico nas súas intervencións, Carlos xogará con elementos de actualidade, improvisando, adaptando e facendo jazz coa palabra para que o público se deixe levar pola risa. 30 anos de traxectoria resumidos, barallados e servidos para gozar de risas garantidas.

Público: A partir de 13 anos
Entrada: 10€
Duración: 70'
Organiza: AC Telón e Aparte
Colabora: Concello de Carballo

Programación FIOT28 (Rúa dos Contos)