Cultura

Concerto da Banda Xuvenil e a Big Band de Jazz

Xoves 21 de xuño do 2018 Ás 20:30 horas - Praza do Concello

Estamos na Semana Grande de San Xoán e en Carballo xa ule a festa. Pero non será ata o xoves 21, ás 12:00 horas, cando se dea o pistoletazo de saída co disparo das bombas de palenque para anunciar o comezo oficial das celebracións.

Pola tarde, a Big Band de Jazz e a Banda Xuvenil do Conservatorio Municipal de Música de Carballo (CMUS) ofrecerán un concerto ao aire libre no que, ademais de interpretar algúns dos seus temas máis coñecidos, deleitarannos con sorprendentes versións de grandes clásicos. Será xusto antes da lectura do pregón de San Xoán, que este ano correrá a cargo do físico Jorge Mira Pérez. Vén gozar dos primeiros compases do San Xoán!

Organiza: Concellería de Cultura
Programación Festas San Xoán 2018