"Jirafas Podcast" pechará a primeira xornada do Interplay

Xoves 4 de abril do 2019 22:00 horas - Auditorio Pazo da Cultura

A primeira xornada de actividades do Carballo Interplay (CIP) rematará con Jirafas Podcast, un videoblog en directo presentado por David Sainz (“Mambo”, “Malviviendo”), coa colaboración habitual do humorista Juan Amodeo, e emitido en Youtube e en Playz (RTVE). Cada programa grávase nunha cidade distinta, con público en directo, e un convidado como protagonista. Para esta ocasión en Carballo estarán como convidados o cómico David Suárez e o guionista Enrique Lojo.

A entrada é gratuíta e poderase retirar na billeteira do Pazo de Cultura unha hora antes do comezo do show.

Compartir: