Benestar

Benestar

Departamento de Servizos Sociais
[Antigo Ambulatorio] 
Praza do Médico Eduardo Mariño, s/n
15100 - Carballo
Teléfono: 981 704 706

Aprobadas todas as solicitudes de praza no programa Concilia para o curso 2022-23

O servizo da Concellaría de Igualdade e Benestar para facilitar a conciliación da vida laboral e familiar esténdese ao CEIP Gándara-Sofán

Luns 8 de agosto do 2022

Todas as solicitudes presentadas para participar no Programa Concilia durante o curso 2022-2023 están admitidas. O servizo prestarase nos colexios Fogar, Bergantiños e Gándara-Sofán, que este curso acadou o número mínimo de participantes para poñelo en marcha. A listaxe de nenos e nenas será definitiva o 25 de agosto.

Este ano recibimos 145 solicitudes:

CEIP Bergantiños: 78 para todos os días e 6 para días soltos

  • 40 solicitudes con almorzo
  • 38 sen almorzo
  • Días soltos: 1 con almorzo e 5 sen almorzo
CEIP Fogar: 49
  • 21 con almorzo
  • 23 sen almorzo
  • Días soltos: 5 con almorzo
CEIP Gándara-Sofán: 10
  • 7 con almorzo
  • 3 sen almorzo

No documento anexo poden consultarse as bonificacións concedidas. Neste caso, o prazo de reclamación será de 10 días e a listaxe definitiva publicarase o 23 de agosto.

PROGRAMA CONCILIA

Programa Concilia é unha medida promovida desde a Concellería de Igualdade e Benestar do Concello de Carballo para facilitar a conciliación da vida familiar e laboral.

En que consiste
O programa desenvólvese durante o período escolar, e consiste en recoller ás nenas e aos nenos á primeira hora da mañá no seu centro escolar. O obxectivo é responder ás necesidades familiares derivadas do desfase existente entre os horarios escolares e laborais, cubrindo a necesidade de atención antes do inicio das clases pola mañá con persoas debidamente cualificadas, así como ofrecer o servizo dun almorzo equilibrado.

Servizos que comprende
Servizo de gardaría: As monitoras atenden ao alumnado, garantindo hábitos de hixiene, e ademais realizando actividades de ocio e tempo libre.
Servizo de almorzo: é un servizo opcional para aqueles nenos/as que o soliciten

Horarios do servizo
O servizo préstase de luns a venres os días lectivos dende as 7:00 ata a hora de incorporación ás clases en cada centro. Tamén se ofrece servizo nos períodos vacacionais de Nadal, Entroido, e Semana Santa, nas pontes. Nestas datas o servizo ofrecese no locais habilitados pola empresa que ten a concesión e o número de prazas será de 30.

Descargas

Compartir: