Pase público do proxecto artístico "O inevitable" coa participación de veciñas e veciños de Carballo

Xoves 23 de novembro do 2017 20.30 horas - Pazo da Cultura Cultura

O programa Residencias Paraíso seleccionou sete proxectos de danza para a súa primeira edición, organizada polo Colectivo RPM co apoio da Axencia Galega das Industrias Culturais (Agadic) co obxectivo de impulsar a investigación e a creación arredor das artes do movemento. Residencias Paraíso conta tamén coa colaboración dos concellos de Carballo, A Coruña, Lugo, Narón e Ourense, que ceden os espazos onde se desenvolven as estadías artísticas. Un deses proxectos, O inevitable, é o dos creadores escénicos Borja Fernández e Diego Anido, que ocupan o Pazo de Cultura durante a súa residencia, do 6 ao 24 de novembro. 

Dentro dese proxecto, e despois de varias xornadas de traballo cun grupo de carballesas e carballeses, o xoves 23 ás 20.30 horas terá lugar no auditorio do Pazo da Cultura un pase gratuíto e aberto a todo o público interesado.