"Nanocontos", contacontos para bebés con Raquel Queizás
Mércores 25 de outubro do 2017 17 e 18.30 horas - Salón de actos do Pazo da Cultura Lingua
Un espectáculo que estimula as habilidades de percepción espacial e psicomotricidade dos bebés a través de pequenas historias que captan o seu interese e atención, que fan que poidan reinventar o mundo coa mirada que o ve todo por primeira vez, abraiándose a cada paso mentres aprenden novos nomes para as cousas que acaban de descubrir.
Participación: dirixido a bebés de 0-3 anos. Poden participar un máximo de 25 familias por orde de inscrición en cada unha das sesións. Inscrición previa de balde desde o día 18 de outubro no Servizo de Normalización Lingüística ou no enderezo electrónico nelvidal@carballo.gal.
Organiza: Concello de Carballo - Servizo de Normalización Lingüística