Unha presentación literaria e un concerto abrirán o Curruncho Pop 2020
Sábado 15 de febreiro do 2020 19.30h/20.30h - Biblioteca Rego da Balsa Cultura
Volve o Curruncho Pop este sábado á Biblioteca Rego da Balsa e faino cunha dobre cita: a presentación do libro "Comer y Cantar - Soul Food & Blues", de Héctor Martínez González, e, a continuación, o concerto no que Huguette Periscal e Blues Chico & Maraya Zydeco interpretarán algunhas cancións da banda sonora do libro.
"Comer y Cantar - Soul Food & Blues" é un libro de receitas, un cancioneiro, un manual de historia... que fai un repaso a dezaoito pratos de comida tradicional afroamericana, a 'soul food' ou comida da alma, prestando atención aos fitos históricos e sociais de cada prato, rematado cun repaso á música que o retratou.
Esta publicación foi considerada como o mellor libro de comida americana publicado en España e un dos cinco mellores do mundo polos prestixiosos Gourmand World Cookbook Awards.
Público: Todos os públicos
Entrada: Libre e de balde ata completar aforo. (Recollida convite)
Organiza: Concellaría de Cultura