As Noites de Cine chegan ao seu ecuador cun thriller de gángsters

Mércores 31 de xullo do 2019 22:30 horas - Xardín Municipal Cultura

O ciclo Noites de Cine chega ao seu ecuador cunha película policíaca, de intriga e suspense, que fará as delicias dos amantes do cine negro americano pero con marcado selo galego. "La sombra de la ley" é un thriller de gángsters ambientado na Barcelona de principios do século XX, cun convulso trasfondo político e social, dirixida polo monfortino Dani De la Torre e protagonizada polo tamén lucense Luís Tosar, a quen acompaña un elenco de actores e actrices de luxo como Michelle Jenner, Ernesto Alterio, Paco Tous e Manolo Solo, entre outros. 

A produtora Vaca Films e a Televisión de Galicia tamén respaldan esta coprodución hispano-francesa, que logrou acadar tres estatuillas nos Premios Goya 2019 (Mellor Dirección de Fotografía, Mellor Dirección Artística e Mellor Deseño de Vestiario) entre outros recoñecementos. 

Sinopse: Ano 1921. España vive un momento axitado e caótico:son os anos do plomo, froito dos violentos enfrentamentos callejeros entre matóns e anarquistas. O gansterismo e os negocios ilegais están instalados na sociedade. Nesta situación de disturbios, Aníbal Uriarte é un policía enviado a Barcelona para colaborar na detención dos culpables do roubo a un tren militar. Aníbal e as súas formas non atopan moito apoio entre os seus compañeiros, e deseguido comezan os enfrentamentos e desconfianzas co inspector Rediú, un superior corrupto. Aníbal entrará en contacto no só cos baixos fondos da sociedade barcelonesa, senón tamén co mundo anarquista máis radical, dispsto a todo para conseguir os seus obxectivos. Alí coñecerá a Sara, unha moza loitadora e temperamental, cuxo encontro terá consecuencias inesperadas para ambos.

Público: + 16 anos
Duración: 126'
Organiza: Concellería de Cultura
Colabora: Deputación da Coruña