"Los Troyanos de Compostela" traerán a música da tuna aos Venres Culturais

Sábado 30 de marzo do 2019 20:30 horas - Pazo da Cultura Cultura

A música popular das tunas compostelás e de autores galegos de finais do século XIX e comezos do XX serán as protagonistas do espectáculo musical "Viva Galicia! A música no tempo de La Casa de la Troya", un animado concerto que recrea a atmosfera da tradición popular musical e da tuna estudantil, que alcanzou o seu esplendor aproximadamente hai un século.

O grupo da Asociación de Antiguos Tunos Compostelanos, Troyanos de Compostela, será o encargado de mergullarnos neste ambiente do tempo de La Casa de la Troya, fío condutor de "Viva Galicia!", o primeiro disco da formación vinculada á casa-museo compostelá que pretende investigar e divulgar a actividade musical desa época con este grupo de corda pulsada. O mestre Fernando Reyes, especialista en música patrimonial e histórica, é o director musical deste traballo.

Público: Todos os públicos
Entrada: Con convite
Duración: 1 h
Organiza: Concellaría de Cultura

Venres Culturais 2019