Arte e natureza con Christian Villamide

Do venres 16 de novembro ata o sábado 17 de novembro do 2018 10-14h/16:30-18:30/11-14h - Praza do Concello Cultura

Dialéctica do Territorio é o nome da escultura coa que nos sorprenderá esta fin de semana o artista plástico lugués Christian Villamide. Trátase dunha acción artística creada para facernos reflexionar e tomar conciencia sobre a importancia do coidado da natureza, necesaria para a supervivencia e da que, dende os inicios da historia, extraemos todo, ata aquelo que nos pon en perigo como especie.

Con esta proposta, o autor pretende que os/as asistentes, ademais de colaborar na realización da peza escultórica, reflexionen para tentar mudar certas olladas que temos ás veces sobre a natureza e o noso crecente desapego emocional e intelectual do propio espazo natural.