Aquelarre na Eira das Meigas coa Plataforma pola Defensa do Monte Neme

Sábado 23 de xuño do 2018 Ás 12:00 horas - Monte Neme Cultura

Achégase a noite de San Xoán e con ela o mundo da maxia e das meigas ábrese paso. Coincidindo co solsticio de verán, e como xa vén sendo habitual, a Plataforma pola Defensa do Monte Neme, integrada por varios colectivos, realizará a súa tradicional xuntanza anual de meigas no Monte Neme seguindo os relatos das lendas ancestrais. 

Dende a explanada da mina, os e as participantes subirán camiñando ata a Eira das Meigas, no cumio do Monte Neme. Unha vez alí procederase á teatralización do aquelarre de meigas, na que non faltarán nin os meigallos nin os brevaxes máxicos. A xornada festiva, coa que tamén se pretende reivindicar a recuperación deste emblemático espazo, continuará cunha sesión vermú amenizada con música tradicional galega.

Se queres sumarte á festa, anímate porque a participación é libre, de balde e sen inscrición previa. E se che apetece ir en bici, a saída terá lugar ás 09:45 horas do bar Dolce, situado xunto á piscina Carballo Calero (zona colexio Bergantiños).

Dende a organización tamén animan aos participantes que o desexen a ir ataviados/as con roupa escura (pantalón e/ou camisola cor negra) e xestas e fiúnchos para pasar desapercibidos/as no caso de que aparezan as meigas.

Participación: Libre e de balde. Sen inscrición
Organiza: A Plataforma pola Defensa do Monte Neme 
Programación Festas San Xoán