Concello de Carballo
Destacados
Axenda municipal: 24 de xuño 2012
Axenda Vive
Última xornada do VIII Torneo Alevín de Fútbol 7 Concello de Carballo - IV Memorial José Luis Vara
09:30 O Complexo deportivo As Eiroas acolle as semifinais e finais, así como as loitas polo 2º, 3º, 4º, 5º, 6º, 7º e 8º posto do VIII Torneo Internacional de Fútbol 7 Concello de Carballo - IV Memorial José Luis Vara Olveira. Os partidos teñen lugar nos campos 1 e 2, e enfrontan aos participantes no Torneo: Deportivo da Coruña, Celta de Vigo, Fútbol Club Barcelona, Rayo Vallecano, Real Sociedad e Gomes da Costa, ademais dos anfitrións, as Escolas de Fútbol Luis Calvo Sanz, e o coruñés Victoria CF. Os encontros dispútanse durante toda a mañá de 9.30 a 13.30 horas aproximadamente, coa final prevista para as 13.10 horas no Campo 1. Máis información, aquí.
Axenda Vive
Pasarrúas dos Gaiteiros de Cances e da Banda Municipal de Gaitas
11:30 Os pasarrúas percorren o centro da vila, neste caso co Grupo de Gaiteiros de Cances e coa Banda Municipal de Gaitas de Carballo. A partires das 11.30 horas.
Axenda Vive
Misa solemne en conmemoración de San Xoán cantada pola Coral de Bergantiños
12:30 A Igrexa Parroquial de San Xoán Bautista acolle a misa solemne en honra a San Xoán, neste caso cantada pola Coral de Bergantiños. A continuación, será a procesión acompañada pola Banda Municipal de Carballo. A partires das 12.30 horas.
Axenda Vive
Concerto da Banda Municipal de Carballo na Rúa Coruña
14:00 Despois dos actos litúrxicos na honra do patrón San Xoán, a Banda Municipal de Carballo ofrece un concerto na Rúa Coruña a partires das 14.00 horas. Para obter máis información sobre o programa de San Xoán 2012, premer aquí.
Axenda Vive
A mostra colectiva "Obras por descubrir": na sala de exposicións Alberto Gende do Pazo da Cultura até o 30 de xullo
18:00 A sala da baixocuberta do terceiro andar do Pazo da Cultura de Carballo, sala Alberto Gende, acolle até o 30 de xullo a exposición "Obras por descubrir", unha mostra colectiva de autores de Carballo e da comarca que se realiza cada ano polo San Xoán e que nesta edición está dedicada ao desaparecido artista e deseñador gráfico Alberto Gende. Colaboran na exposicións os seguintes artistas: Emilia Rodríguez, Milagros Cotelo, Lola Oviedo, Mon Lendoiro, Antonio Taracido, Mª José Costa "Chiña", Miguel Anxo Calvo "O'Mighelo", Cristina Castro, Jacobo Veiga, Vicky Vilariño, Santi Picos, Adriana Suárez, Marcos Rodríguez, Antonio Reino, Manolo Eirín, Manuel Pazos, Peter Kramer, Nils Viga, Eva Facal e Juan Casares. O horario de visita é de 18.00 a 21.00 horas. Para obter máis información, premer aquí.
Axenda Vive
A exposición "Rincóns de Carballo e Costa da Morte": no andar -1 do Pazo da Cultura até o 30 de xuño
18:00 O andar -1 do Pazo da Cultura acolle até o sábado 30 de xuño a mostra do artista catalán Francesc Aloy "Rincóns de Carballo e Costa da Morte". rátase dunha mostra composta por unha serie de pinturas cunha temática realista, impresionista e figurativa na que se recollen procedementos ao óleo, acuarela e cerámica e na que o público poderá desfrutar de diferentes paisaxes da nosa bisbarra cun particular tratamento da cor e a luz. Os interesados e interesadas en visitar a mostra ou incluso en adquirir algunha das obras, poden facelo no horario habitual de 18.00 a 21.00 horas. Máis info, aquí.
Axenda Vive
Concerto da cantante Pastora Soler na Praza do Concello
23:00 O palco da Praza do Concello acolle a actuación estelar das Festas de San Xoán 2012 a cargo da cantante Pastora Soler. É unha artista sevillana que comezou a súa carreira en 1994 coa copla, un xénero que aínda lle segue influíndo nas súas cancións e interpretacións. Porén, hoxe en día céntrase máis no pop e nas baladas, pero sen esquecer as súas orixes flamencas. Ademais dos seus grandes éxitos, de seguro que durante a súa actuación volverá a cantar a canción que tan ben interpretou en Baku (Azerbaián) e que foi moi aplaudida polo público do festival de Eurovisión e escoitada por 9 millóns de españoles na televisión pública: "Quédate conmigo". Está previsto que o concerto remate sobre as 00.30 horas, cando continúa a verbena coa Orquestra Los Trovadores.