Concello de Carballo

Logotipo Concello de Carballo

Avisos

CITA PREVIA NO 902 30 90 00

A Unidade Móbil da Inspección Técnica de Vehículos (ITV) para ciclomotores visita a Praza do Concello o venres 19 de febreiro

O Concello de Carballo, a través da Concellaría de Seguridade e Tráfico que dirixe Milagros Lantes, informa de que o venres 19 de febreiro a Unidade Móbil da Inspección Técnica de Vehículos (ITV) para ciclomotores estará situada na Praza do Concello. O horario de atención ao público para realizar as inspeccións é de 9.00 a 13.30 e de 15.15 a 18.00 horas. Asignarase hora de atención directamente na Unidade Móbil, ou tamén chamando previamente ao teléfono 902 30 90 00 ou na páxina web <www.sycitv.com> no apartado de "Cita previa".

O SÁBADO 27 DE FEBREIRO DE 10.00 A 13.00 HORAS

O Concello informa da celebración no Fórum dun Curso de Manipulador de Alimentos organizado por Cruz Vermella

Cartel
O Fórum Carballo acolle o sábado 27 de febreiro un Curso de Manipulador de Alimentos organizado por Cruz Vermella e que terá tres horas de duración, entre as 10.00 e as 13.00 horas. O prezo é de 20 euros aínda que hai descontos dun 10 por cento para persoas desempregadas, estudantes, voluntarios e socios e socias da entidade. Os interesados e interesadas poden obter máis información clicando aquí ou acudindo á sede de Cruz Vermella en Carballo, situada na rúa Vázquez de Parga, 119, Bloque II, baixo, ou no teléfono da entidade, o 981 703 764.

EN HORARIO DE 11.00 A 14.00 HORAS

Dispoñibles a partir do mércores 20 de xaneiro nas Oficinas de Cultura os bonos para optar a seis dos espectáculos dos Venres Culturais

Cartel
O Concello de Carballo, a través da Concellaría de Cultura que dirixe Marcos Trigo, informa de que están dispoñibles a partir do mércores 20 de xaneiro os bonos para os espectáculos dos Venres Culturais. Servirán para acceder ás citas dos días 29 de xaneiro, 12 e 19 de febreiro, 4, 11 e 18 de marzo. O bono ordinario ten un prezo de 19 e o bono especial con prezo reducido para determinados colectivos (estudantes con carné de estudante, maiores de 65 anos e menores de 12 anos), 14 . Está previsto que se poñan á venda o mércores 20 de xaneiro nas Oficinas da Concellaría de Cultura (1º andar do Pazo da Cultura) de 11.00 a 14.00 h. Respecto das entradas, no caso das citas de balde, debido á limitación do auditorio do Pazo da Cultura, se é necesaria a reserva previa, comunicarase coa antelación posible. Para os que é necesaria entrada de pago, a venda realizarase no despacho de billetes do Pazo da Cultura, unha hora e media antes do inicio da actuación. A reserva de entradas poderá efectuarse no teléfono 981 704 300 ou nas Oficinas de Cultura habitualmente dende 15 días antes da celebración dos espectáculos con un límite de 4 entradas por persoa. Nalgúns espectáculos aplicaranse prezos reducidos a determinados colectivos. O programa completo dos Venres Culturais, nun documento en pdf neste mesmo aviso.

O CAMBIO DÉBESE ÁS OBRAS NA RÚA VILA DE NOIA

O acceso ao complexo polideportivo Vila de Noia da capital municipal realizarase pola porta antiga mentres duren os traballos de mellora no Chorís

O Concello de Carballo, a través das Concellarías de Obras e Servizos e de Deporte, informa de que a partir do mércores 18 de novembro o acceso ao complexo polideportivo Vila de Noia da capital municipal realizarase a través da porta antiga. O motivo son os traballos de mellora que se están realizando na contorna para crear unha pista deportiva perimetral no barrio do Chorís. Dende o Concello pedimos desculpas polas posibles molestias ocasionadas e esperamos que a porta habitual estea habilitada de novo o antes posible.

MÁIS INFORMACIÓN EN SERVIZOS SOCIAIS NO 981 700 688

O Concello informa de que está aberto durante todo o ano o prazo para inscribir aos nenos e nenas no programa Concilia para o servizo de días soltos

Concilia
A Concellaría de Igualdade e Benestar que dirixe Maica Ures informa de que permanece aberto durante todo o ano o prazo de inscrición para os nenos e nenas no programa Concilia, que ten como obxectivo axudar ás familias na súa conciliación coa vida laboral. No mes de agosto pechouse o prazo para os usuarios fixos do programa, que precisan do servizo de canguraxe a diario. Porén, aqueles usuarios e usuarias que queiran empregar o servizo en días soltos, poden dirixirse en calquera momento do ano a Servizos Sociais (edificio do antigo Ambulatorio, s/n) para formalizar a solicitude. Tamén é posible obter máis informacion no teléfono 981 700 688. Hai que lembrar que o programa Concilia desenvólvese durante o período escolar, e consiste en recoller ás nenas e nenos, á primeira hora da mañá no seu centro escolar a partir das 7.30 horas. Comprende un servizo de gardaría, no que as monitoras atenden ao alumnado, garantindo hábitos de hixiene, e ademais realizando actividades de lecer e tempo libre; e un servizo de almorzo opcional para aqueles nenos/as que o soliciten. Os interesados e interesadas poden descargar máis abaixo nesta mesma nova o cadro de prezos e condicións, así como o folleto informativo do Concilia en pdf.

O PXOM ESTÁ PENDENTE DA APROBACIÓN DEFINITIVA DA XUNTA

O Concello pon a disposición da veciñanza o documento para a aprobación provisional do Plan Xeral de Ordenación Municipal (PXOM) no web municipal

Os veciños e veciñas e todos os interesados e interesadas xa poden consultar no web municipal a documentación do Plan Xeral de Ordenación Municipal (PXOM). O pleno da corporación apoiou por unanimidade a aprobación provisional do PXOM do Concello de Carballo nunha sesión extraordinaria celebrada o luns 2 de febreiro de 2015. Porén, este plan non será executivo ata a aprobación definitiva por parte da Xunta de Galicia. En todo caso, o Concello pon a disposición dos interesados e interesadas o documento para a aprobación provisional, que pode consultarse nunha ligazón dispoñible máis abaixo neste mesmo aviso.

*Para poder acceder aos arquivos, recoméndase que se descarguen os documentos en pdf antes de abrilos, debido a seu elevado peso.

Buscador:



© Concello de Carballo, 2009