Concello de Carballo

Logotipo Concello de Carballo

Menú:


Destacados

Liña directa
Avisaweb: Concello de Carballo
Perfil de contratante


Poboación do Concello:

Xa somos 31.466


Actualidade de Atención Cidadá

SON MACHOS E FEMIAS DE SEIS MESES A SEIS ANOS

O Concello anima aos veciños e veciñas a que adopten na Canceira Municipal, na que nestes momentos hai doce animais

O Concello anima aos veciños e veciñas a que adopten na Canceira Municipal, na que nestes momentos hai doce animais

Doce animais esperan un fogar na Canceira Municipal, que comparte espazo co Punto Limpo no Parque Empresarial de Bértoa. Achégase o Nadal e moitas cartas dos máis cativos e cativas aos Reis Magos, o Apalpador ou Papá Noel conteñen a petición dunha mascota. É importante aprenderlles aos pequerrechos que un can é un amigo, pero non un xoguete. Esta mensaxe está sempre presente na canceira de Carballo que promove as adopcións, pero tamén insiste na responsabilidade que se asume ao facerse cargo dun animal. Trátase dun ser vivo que pasa a estar baixo do coidado dunha persoa que deberá comprometerse na súa custodia e na súa atención. As imaxes e as características dos exemplares que están en adopción en cada momento do ano están accesibles para os veciños no web Carballo Limpo (www.carballolimpo.com) no apartado dedicado á Canceira que conta cunha ligazón para ver os animais adoptables nese intre, clicando aquí. Os adoptables neste momento son machos e femias de diferentes idades, desde canciños pequenos de seis meses a exemplares adultos de seis anos. Principalmente son mestizos e hainos de beagle, golden, pequinés e boxer. O horario de atención ao público da canceira é os xoves e sábados de 10.00 a 13.00 horas e de 16.00 a 19.00 horas. O teléfono de contacto é o 981 754 917. Outro xeito de contactar coas instalacións é a través do envío dun correo electrónico ao seguinte enderezo <carballo@laceriaservigal.es>. Animádevos a adoptar este Nadal.

Ler

O Concello xestionou 64 permisos para celebrar festas patronais e populares en 2014 que supuxeron 103 xornadas festivas

O Concello solicita ante Unión Fenosa e Industria que cesen os frecuentes cortes de subministro eléctrico no Polígono de Bértoa

Ver todas

Actualidade de Vive en Carballo

O Nadal Pequespectacular inclúe catro actuacións de teatro, música, monicreques e maxia entre o 26 e o 30 de decembro

18/12/2014 O Nadal Pequespectacular inclúe catro actuacións de teatro, música, monicreques e maxia entre o 26 e o 30 de decembro

O Nadal Cultural continúa cunha das actividades máis esperadas do programa, o xa consolidado Nadal Pequespectacular que este ano inclúe catro citas no Pazo da Cultura que ofrecen espectáculos de diversos formatos e estilos para todos os públicos con teatro, música, títeres e maxia. Todas as funcións son no Pazo da Cultura a partir das 18.00 horas. O prezo das entradas é de 3 euros prezo ordinario e 2 euros reducido para os menores de 12 anos e maiores de 65. As propostas comezan o venres 26 de decembro coa compañía Sarabela Teatro, que presenta "O último dragón". Personaxes heroicos, seres fantásticos, nenos valentes, acción e moitas sorpresas nunha historia de convivencia que fala sobre o poder enriquecedor da cultura. O sábado 27 é a quenda do grupo de Pablo Díaz co espectáculo de música "Toc Toc", o segundo traballo músico-literario de Pablo Díaz, que viu a luz a través da editorial Galaxia no ano 2013. "Toc toc" é a chamada á porta do mundo dos nen@s. Un mundo de ledicia, ilusión, amizade e compañeirismo que a través do rock, pop, folk e tamén soul, serán unha combinación perfecta para gozar da música moderna que se mesturará coa tradición musical galega. Este grupo musical acaba de recibir o Premio Martín Códax ao mellor grupo de música infantil. O luns 29 o programa continúa co mago Pedro Volta e o seu espectáculo "Ilusionante". Unha viaxe ao mundo da fantasía con moitos trucos emocionantes e con diversión para todos os públicos.


Ver todas

Actualidade de Inviste en Carballo

Xestur saca a concurso solo empresarial no Polígono Industrial de Bértoa con bonificacións do 50 por cento no prezo de venda

17/12/2014 Xestur saca a concurso solo empresarial no Polígono Industrial de Bértoa con bonificacións do 50 por cento no prezo de venda

O consello de administración de Xestur Galicia aprobou esta semana bonificacións de ata o 50 por cento no prezo de venda do solo empresarial propiedade desta empresa pública dependente do Instituto Galego de Vivenda e Solo. As bonificacións insírense na Axenda da Competitividade Industrial de Galicia e aplicaranse ao solo dispoñible no Parque Empresarial de Bértoa carballés no seu índice máximo do 50 por cen. Estarán vixentes até o 30 de novembro de 2015, e para un máximo de vendas de 500.000 metros cadrados. No momento en que foran vendidos ditos 500.000 metros cadrados as bonificacións deixarán de ter efecto. A bonificación dos prezos obriga á empresa pública a convocar un concurso público de venda deste solo, concurso que será convocado despois das festas de Nadal. Ao mesmo poderán presentarse todas as empresas interesadas na adquisición de solo e que cumpran os requisitos que se establezan no correspondente prezo de bases. Hai que lembrar que aos descontos que ofrece Xestur, hai que sumar unha bonificación do 95 por cento para o Imposto sobre Construcións Instalacións e Obras (ICIO) que o Concello de Carballo ofrece en función do investimento realizado e do número de empregos que se creen na nova empresa. Así, o investimento mínimo debe ser de 100.000 euros e debe crearse alomenos un emprego estable. Ademais, hai que mencionar que o Parque Empresarial de Bértoa conta na actualidade con 718.000 metros cadrados de nova creación con 45 hectáreas distribuídas en 128 parcelas.


Axenda de Inviste en Carballo

20/12/2014Mercado de Nadal da Asociación de Comerciantes e Hostaleiros da Milagrosa no Fórum Carballoicon

Ver todas


© Concello de Carballo, 2009